Captain Brodie Torrance or Samuel Dele Trailblazer flight 119 take off karne ke lie taiyaar hote hai. Flight officer unhe aa kar batata hai ki mausam kharab mil sakta hai par flight route chota rakhe kyuki passengers bohot kam hai. Brodie ko ek criminal ko bhi apni flight me le kar Tokyo jaana hota hai. Flight ke dooran wo ek officer ke supervision me Raheja. Flight ab take off karti hai.
Wo log toofan ke uper se guzar rahe hote hai jiski vajah se plane me kaafi turbulence hota hai. Storm ki vajah se unke plane ki power or communication dono chale jaate hai. Power khatam hone se pehle unhe agle 10 minute me plane ko land karna hota hai.
Officer ka phone gir jaata hai or wo seat belt khol kar use lene jata hai. Ek attendant bhi uske piche jaati hai. Heavy turbulence ki vajah se wo dono gir kar marr jaate hai. Thodi der me plane stable condition me aa jata hai. Brodie ko land dikhayi deta hai jispar wo plane land karne ki koshish karta hai. Plane garam hota hai islie crew or passengers plane se utar jaate hai.
Trailblazer headquarters me unke gayab hone par meeting hoti hai. Brodie passengers ko shant rehne ke lie kahta hai. Wo unhe batata hai ki plane par lighting girne ki wajah se power or communications band ho gaye. Unka plane southern Philippines me land kiya hota hai. Crisis management se David ko iski investigation ke lie bulaya jaata hai. David kuch private guards wahan bhejne ka plan karta hai.
Brodie plane theek karne ki koshish karta hai. Samuel or Brodie map me apni current location ka andaza lagate hai. Unhe pata chalta hai ki is time wo log ek aise island par hai jahan criminals ka raaj hai or koi government ya police service nahi hai. Brodie aas pass help dhoondne ke lie jata hai. Wo apne saath Gaspare ko bhi le jaata hai. Wahan ke criminal leader ko us plane ke baare me pata chalta hai.
Jungle me Gaspare Brodie ko bina bataye chala jata hai. Samuel plane theek kar deta hai. Brodie ek purani building me pohochta hai. Wahan use phone dikhta hai. Wo Trailblazer me call karta hai par operator uski baat ko serious nahi leti. Fir wo apni beti ko call karke apni location or details batata hai. Itne me koi uspar hamla kar deta hai. Brodie use maar deta hai. Tabhi wahan gun shots ki aawaz sunai deti hai. Brodie chup jaata hai. Wo Gaspare hota hai. Building search karte hue unhe kuch darane wali videos dikhti hai.
Ab wo log wapus passangers ke pass jaane ke lie nikalte hai. Par unse pehle hi wahan Junmar pohoch jaata hai. Or sabko apne saath bandhi bana kar le jaata hai. Yeh sab Brodie or Gaspare chup kar dekh rahe hote hai. Wo unki location ke baare me pata karte hai. David ko Brodie ke kiye hue calls ke baare me pata chalta hai. Ab use plane ki exact location mil jaati hai.
Shellback or uski team plane tak pohoch jaate hai. Wahan use Brodie ka message milta hai. Brodie passengers ko chudwa kar ek bus me bithwa deta hai. Bohot saare log hone ki vajah se wo log bus start nahi kar paate. Brodie unka dhyan divert karne ke lie khud ko surrender kar deta hai. Junmar Brodie ko marne ka order deta hai. Par tabhi wahan Shellback pohoch jaata hai. Wo log passengers ko le kar plane ke taraf jaate hai.
Passengers plane board karna start karte hai. Brodie plane ke brake theek karta hai. Junmar or uske log wahan pohoch jaate hai. Wahan kaafi cross firing hoti hai or kuch passengers ko chot bhi lag jaati hai. Gaspare Brodie ko batata hai ki wo uske saath nahi chalega. Use paiso se bhara ek bag milta hai. Brodie plane chalana start karta hai. Gaspare plane me chadne ke bajaye paiso wala bag le kar wahan se chala jaata hai. Plane take off ho jaata hai. Kaafi mushkilo ke baad Brodie plane ko nearby airport par land karwane me kamiyab ho jaata hai. Jald hi wahan unke lie help bhi pohoch jaati hai.
