Kelly or Sophie climbing karne ke lie apna bag pack kar rahi hoti hai. Tabhi wahan 4 ladke aa jaate hai. Josh unhe sham ko apne saath party me join hone ke lie kahta hai. Reynolds, Taylor or Zach Josh ke baare me baat kar rahe hote hai par tab wahan wo aa jata hai or unke bich ladayi ho jaati hai. Sophie Kelly ko unke saath enjoy karne ke lie manati hai.
Ab sham ko wo sab ek saath milte hai. Thodi der baad Kelly wahan se jaane ki karti hai par Josh uska haath pakad kar use rokta hai. Wo apne room me ja kar apne boyfriend Luca ki videos dekh kar ro rahi hoti hai.
Josh Sophie ko bohot zyada drink karwa deta hai or wo dono bohot close aa jaate hai. Sophie washroom jaati hai. Josh ko uske friends Sophie ke itne close na aane ke lie samjhate hai. Par wo nahi manta. Wo Sophie ke saath zabardasti karta hai. Uske friends use rokte hai. Sophie wahan se bhaag jaati hai. Wo log use dhondne ki koshish karte hai. Josh use dhakka de kar height se gira deta hai. Sophie ke chillane ki aawaz sun kar Kelly room se bahar aati hai.
Josh patthar le kar Sophie ko maar deta hai. Ab wo charo use pahad se niche phek dete hai. Yeh sab Kelly apne camera me record kar leti hai. Uski cheekh nikal jaati hai jiski vajah se Josh ko uske baare me pata chal jaata hai. Kelly wahan se bhaag kar apne cabin aa jati hai. Josh sabko Kelly ko bhi marne ke lie kahta hai. Kelly apna saman le kar wahan se bhagti hai par wo log uska picha kar rahe hote hai.
Kelly climbing karna start karti hai. Taylor uske piche jaata hai. Kelly ke ropes or phone niche gir jaate hai. Kelly ke dhakka dene ki vajah se Taylor gir jaata hai or uska pair toot jaata hai. Wo log Taylor ko cabin me akela chod kar chale jaate hai. Josh apne gloves lene cabin wapus jata hai.
Wo log bhi ab climbing start karte hai. Kaafi mushkilo ke baad Kelly mountain top tak bus pohochne hi wali hoti hai. Par usse pehle Josh wahan pohoch jata hai. Wo use camera dene ke lie kahta hai. Par Kelly aisa nahi karti. Josh ke uper hone ki vajah se wo uper nahi ja sakti thi or ropes na hone ki vajah se niche nahi aa sakti thi. Josh or uske friends wohi par Kelly ka wait karte hai.
Zach or Reynolds aapas me baat karte hai ki camera mil bhi gaya to bhi Josh Kelly ko maar dega. Kelly ko ek purana tent milta hai. Wo use theek kar deti hai. Zach ko pata chalta hai ki ek saal pehle Kelly Luca ke saath yeh pahad chadhne ki koshish kar chuki hai par wo gir gaya tha.
Josh Kelly ko kaafi pareshan karta hai or use marne ki koshish bhi karta hai par wo kisi tarha bach jaati hai. Zach Kelly ke tent par chaku se hamla karke usse camera mangta hai. Lakin Kelly uspar hamla kar deti hai or wo dono ek hi rope se latak jaate hai. Josh Kelly ko dhakka deta hai par wo bach jaati hai. Lakin uska tent niche gir jaata hai.
Zach ko kaafi chot lagti hai. Unke samjhane par Josh apni fiancee Amy ko help ka call karne ke lie taiyaar ho jata hai. Raat ko Zach Reynolds ko batata hai ki Josh ne Taylor ko maar diya hai or uska apni fiancee se bhi breakup ho chukka hai. To wo ab in dono ko bhi maar dega. Josh yeh sab sun leta hai.
Josh Zach ko maar kar pahad se niche gira deta hai. Reynolds ke poochne par wo use jhooth kahta hai ki Zach niche gaya hai help lene. Reynolds Josh se Kelly ke pass jane ke lie kahta hai. Wo bahane se usse camera le kar use maar dega.
Reynolds Kelly ko khana deta hai. Use kahta hai ki wo use camera de de or wo Josh se kah dega ki usne use niche gira diya hai. Wo use batata hai ki Zach niche help lene gaya hai. Par Kelly use batati hai ki Josh ne use niche gira diya hai. Kelly use camera dene ke lie maan jaati hai. Or Reynolds ke kahne par tez se chillati hai. Reynolds Josh ko bhi yehi sab batata hai. Josh jab camera check karta hai to usme memory card nahi hota. Josh or Reynolds ki ladayi ho jaati hai. Josh use zinda jala deta hai.
Kelly ko kaafi thand lag rahi hoti hai. Wo Luca ko miss kar rahi hoti hai. Luca se ring gir jaati hai jise lene ke lie wo apna rope khol deta hai. Pair slip hone ki vajah se wo height se gir jaata hai.
Josh Kelly ke pass aakar usse memory card mangta hai. Wo use batati hai ki usne wo kahi chupa diya hai. Wo usse deal karta hai ki Kelly use card de de or wo uski ring de dega. Kelly batati hai ki usne wo ek hole me chupa diya hai. Josh jab us hole me haath dalta hai to use ek snake kaat leta hai. Kelly uske baare me janti thi. Ab wo use bohot marta hai. Kelly uska rope cut kar deti hai. Josh niche gir jaata hai. Kelly apni ring or card le kar mountain top par chadh jaati hai.
