Namaste dosto. Mere channel Movies Teller me apka swagat hai. Aaj ham is video me baat karenge Jack Ryan web series ke baare me.
Jack Ryan 31 august 2018 me release hui ek American web series hai. Yah series amazon prime videos par release ki gayi thi. Iska aham kirdar, yani ki Jack Ryan ka kirdar John krasinski ne adaa kiya hai. Jack Central Intelligence Agency yani ki cia ke lie ek analyst ke taur par kaam Karta hai.
Iske pahle episode, Pilot, ki shuruwaat me do naujawan bhai dikhaye gaye hai jo ki apna music or dance enjoy kar rahe hai. Yah scene san 1983 me Lebanon ki bekaa valley ka hai. Un dono ko achanak se kuch fighter planes dikhayi dete hai. Or dekhte hi dekhte wo planes missiles gira kar unke aas pass tabahi macha dete hai.
dusre hi scene me Washington D.C. ka present day dikhaya jaata hai. Yahan Jack apni cycle par office jaata nazar aata hai. Uski cycle ek gaadi se takrate hue bachti hai. Dono ek dusre ko galat kahte hai or aage badh jaate hai.
Jim, yani ki James Greer ko t-fad ka head bana diya jata hai. T-fad wohi team hai jisme ki Jack Ryan kaam karta hai. Jim apni job se khush nahi kyuki uska demotion hua hota hai. Jim apni team se introduction meeting karta hai or wohi pata chalta hai ki jack or jo car office jaate samay takrayi thi wo James Greer ki thi, jo ki ab uska head hai.
Introduction meeting me jack batata hai ki wo Yemen ke Aden ki swift transactions par nazar rakh raha hai or use kuch transactions par shak hai jinhe Suleiman naam ka ek Aadmi kar raha hai. Jim is sab me bilkul interest nahi show karta.
Jack apne boss Jim ko kuch transactions or ek jhali company ke baare me batata hai or us account ko freeze karne ki salah deta hai. Us account me abhi tak 9 million dollar paise transfer kiye ja chuke hai. Jack use batata hai ki yeh 9/11 se bhi bada attack ho sakta hai. Par Jim uski baat nahi manta.
Jack apni colleague, jiske pass account freeze karne ki authority hoti hai, usse kah kar is account ko freeze karwa deta hai. Jim is baat se behad naraaz ho jata hai. Jim or Jack ki is baat ko lekar kaafi behas bhi hoti hai.
Jack apne ex-boss ki birthday party me jaata hai. wahan wo uski beti Cathy Mueller se interact karta hai. Baat karne ke dooran Cathy batati hai ki wo Washington Memorial hospital me doctor hai. To jack batata hai ki wo state department me kaam karta hai or kuch logistics dekhta hai. Tabhi wahan par ek helicopter aata hai jo Dr. Jack Ryan ko doondh raha hota hai. Wo log jack ko apne saath le jate hai.
Wo coast guard helicopter jack ko ek airport par drop kar deta hai jahan pa jim Greer uska intezaar kar raha hota hai. Jim jack ko batata hai ki kuch teams ne 2 logo ko padka hai jinke interrogation me jack or use jana hoga. Yeh do log ka relation us frozen bank account se ho sakta hai. Ab wo dono Yemen jaate hai. Wahan ja kar unki mulakat Matice se hoti hai, jisne un dono ko panda hota hai.
Interrogation me pata chalta hai ki un do logo me se ek Saudi ka businessman hai or dusra uska bodyguard. Jack businessman ka phone check karta hai or pata chanta hai ki yeh wohi number hai jisse us account me paise transfer kiye gaye the. matice, Jim or baaki officers us businessman se pooch-teach karne lag jaate hai. Wohi jack uske bodyguard se baat karne ki koshish karta hai. Tabhi us army base par hamla ho jaata hai. Hamle ke dooran wo log bodyguard ko wahan se le jaane me kamiyaan ho jaate hai. Jabki wo log khud hi us businessman ko goli maar dete hai. wohi se jack ko pata chalta hai ki wo bodyguard hi asaliyat me Suleiman hai.
Episode ke end me Suleiman ki flashback story dikhate hai. Episode ki shuruwaat me jo do young ladke dikhate hai un me se bada ladka Suleiman tha or chota uska bhai Ali. Yeh dono us missile dhamake se bach to jaate hai par zakhmi ho jaate hai.
Umeed karti hu ki episode 1 ki story apko passant aayi hogi. Ab jald hi ham iske second episode ki story le kar ayenge. Tab tak ke lie aap mere channel ko subscribe kar lijiye or bell icon par click karna mat bhooliyega. Thank you.
