Govinda Suku ko message karke batata hai ki wo suicide karne wala hai or wo uske pass aa jaye. Tabhi use achanak bohot tez kuch aawaz sunayi deti hai. Wo jaa kar dekhta hai ki ek car ka accident hua hota hai. Ab movie start hoti hai 3 mahine pehle se.
Govinda or uski wife Gauri ki aapas me nahi banti. Unki maid Manju Govinda ko kahti hai ki jis ghar me wo reh raha hai uska court case uska sautela bhai jeet jayega or bangla uska ho jayega.
Govinda is sabke lie apne papa ko blame karta hai. Gopi or Asha ne shaadi kar li thi. Lakin Gopi ki tamilnadu me already wife or ek beta the. Gopi ki achanak hui death ke baad uski first wife ne bangle ke lie court case kar diya. Jispar 14 saal se case chal raha hai. Govinda Gauri se divorce mangta hai jiske lie wo usse 2 crore rupee mangti hai.
Kaustubh ne Govinda ko ek drug dealer ke bete ki music video banane ke lie recommend kiya hota hai. Inspector Javed Govinda se use di hui gun ke 1,80,000 rupee mangta hai or ek hafte ki warning deta hai.
Ghar pohoch kar Govinda dekhta hai ki Gauri apne boyfriend Baldev ke saath hoti hai jo ki ek insurance agent hota hai. Govinda apni girlfriend Suku ke saath Ajit Dharker se Milne jata hai uske bete Sandy ki music video banane ki meeting ke lie.
Kaustubh Govinda ko batata hai ki uska bhai out of court settlement karne ke lie taiyaar hai. Ab wo log settlement ke lie milte hai. Govinda or uski mummy ko settlement ki conditions pasand nahi aati or unki haathapayi ho jaati hai.
Kaustubh ke pass judge ke order ki copy hoti hai jisme likha hota hai ki wo bangla Vishnu ko Milne wala hai. Wo kisi ko paise ka lalach de kar us din ki hearing me change karne ke lie kahta hai.
Govinda or Suku Sandy ki music video banani start karte hai. Drugs ki vajah se sandy video me theek se kaam nahi kar paata. Ajit ko video me sandy kam dikhta hai to use gussa aa jata hai or wo un dono ko ghar se bina paise diye nikal deta hai. Is sabki vajah se suku upset ho jaati hai or Govinda se breakup kar leti hai.
Inspector Javed Govinda se apne bache hue paise mangta hai or na dene par use maarne ki dhamki deta hai. Ab movie ka pehla scene fir se repeat hota hai. Govinda jab car ke pass ja kar dekhta hai to usme Sandy behosh hota hai or uski car me drugs ke packet hote hai.
Wo Suku ko call karke sab batata hai. Suku bhi wahan pohoch jaati hai. Wo dono drugs chori karke wahan se bhaag jaate hai. Wo dono Govinda ke ghar pohoch kar dekhte hai ki Gauri ka murder ho gaya hai. Wo dono decide karte hai ki body gayab kar dete hai nahi to hame jail jana padega.
Govinda apne ghar ke garden me gaddha khodna shuru karta hai or Suku ghar ki safari karti hai. Wo dono Gauri ki laash ko us gaddhe me chupa dete hai. Suku Govinda se kahti hai ki wo sab saman jala kar apne ghar chali jayegi. Subah jab Sandy ko hosh aata hai to wo dekhta hai ki uski car me drugs ke packet nahi hote.
3 saal pehle ki story me dikhate hai ki Vishnu Suku ko paise ka lalach de kar Govinda ki girlfriend banne ke lie kahta hai. Present day me dikhate hai ki Suku Vishnu se Gauri ke murder ke baare me poochti hai.
Ghar ki safayi karte hue Manju ko khoon me ek kaanch ka tukda dikhta hai. Wo use apne pass rakh leti hai.
Sandy apne papa ko saari baat batata hai ki ek raat pehle use kisi ka call aya tha jo 6 crore rupee ke badle usse drugs lena chahta hai. Usne wo sare drugs apne papa ke locker se chori kiye hote hai. Or raste me jaate samay uska accident ho Jaata hai.
Suku Kaustubh or Asha ko Gauri ke murder ke baare me bata deti hai. Manju Inspector Javed to wo kaanch ka piece de deti hai or baad me Suku ko phone karke sab bata deti hai. Kuch din pehle Manju ne Suku ko case related information di thi.
Kaustubh Govinda ko suggestion deta hai ki 2 crore rupee me wo apna bangla Vishnu ko de de or Mumbai chod ke chale jaye. Manju Baldev ko bhi sab kuch bata deti hai. Baldev Govinda ko apne office me Milne bulata hai. Or use Gauri ki 2 crore ki life insurance policy ke baare me batata hai. Jisme se wo aadhe paise khud rakhega. Vishnu ek builder se loan le kar Asha Niwas 2 crore me khareed leta hai.
Vishnu Ajit Dharker ko batata hai ki uske drugs Govinda ke pass hai. Ab Dharker Inspector Javed ko Asha Niwas check karne ke lie kahta hai. Govinda ko police pakad leti hai. Suku ko kahne par Manju Javed ko Gauri ke murder ke baare me bata deti hai par wo galti se suku ke baare me hi bata deti hai. Ab police suku ke ghar pohochti hai jahan unhe drugs ke packet milte hai.
Suku drugs or Gauri ke murder ka blame Govinda par laga deti hai. Police Gauri ki body search karti hai par unhe wahan kuch nahi milta. Suku ne ghar ki safayi karke saman jalane ke bajaye kahi chupa diya hota hai. Ab wo police ko wahan le kar jaati hai par wahan bhi kuch nahi milta.
Kuch proof na hone ki vajah se police Govinda ko chod deti hai. Police Dharkar or Javed ke ghar raid karti hai jahan se unhe drugs milte hai. Suku ke ghar se jo drugs milte hai wo baby powder hota hai islie use police chod deti hai. Asha Niwas government seal kar deti hai kyuki wo officially BMC ki property hoti hai.
Kuch mahino baad Suku or Vishnu ko kisi ka call aata hai or wo log Thailand pohochte hai. Wahan unki mulakat Govinda se hoti hai. Wo unhe batata hai ki Asha ne bangle ki vajah se paralysis ki acting ki thi. Use BMC ke order ke baare me bhi pata chal gaya tha. Gauri ka murder bhi unke plan ka hissa tha. Aakhir me un logo ko total 7 crore rupee ka fayeda hota hai.
