St. Vincent Hospital me Valmiki or Jindal family ko beta hua hota hai. Nurse jab Jindal family ke bete ko uski maa ke pass le kar aati hai to wo saans nahi le raha hota. Yeh baat wo Valmiki ko batati hai. Valmiki us family ka kaafi purana employee hota hai to wo apne bete ko us mare hue ladke se change karne ke lie kahta hai. Wo log bachche Badal kar ward se bahar aate hai to wo bachcha ro padta hai. Nurse use wapus badalna chahti hai par Valmiki nahi manta or hathapayi me nurse ka accident ho jata hai.
Randeep apne bete ka naam Raj or Valmiki Bantu rakhte hai. Valmiki Bantu ko pasand nahi karta islie har waqt use daantta rehta hai. Raj 7 saal baad America se graduation karke ghar aata hai. Bantu Samara ke pass job ke lie jata hai par reject ho jata hai.
Raj ko Sarang ke illegal kaam ki history batate hue Randeep use uske saath kaam karne ke lie mana karne ko kahta hai. Raj meeting me kuch kah nahi pata. Samara se coffee shop me koi zabardasti karta hai. Bantu use bacha leta hai or Samara use hire kar leti hai.
Valmiki us nurse se har mahine Milne ata hai jo pichle 25 Saal se coma me hai. Samara or Raj ki shaadi fix ho jati hai par Samara Bantu ko pyar karti hai.
Sarang Randeep ke office aa kar use marne ki koshish karta hai. Bantu or Samara apne relation ke baare me Randeep ko batane ate hai or wahan wo Randeep ko behosh halat me dekhte hai. Bantu Randeep ko hospital le kar jata hai. Wahan use wo nurse milti hai jo ab coma se bahar hoti hai. Nurse use sab kuch bata deti hai or Marr jaati hai. Bantu Valmiki ko sab bata deta hai.
Bantu doctor ke bete ko kidnap kar leta hai Jindal family me enter hone ke lie. Aditya use apne yahan job par rakh leta hai. Bantu Aditya ke saath mil kar Sarang ko samjhane jaata hai. Iske alawa wo unke ghar ke or bhi matter solve Karwata hai. Bantu or Samara Raj ko apne baare me bhi bata dete hai. Wo Randeep or Yashu ka bhi relation theek karne ki koshish karta hai.
Sarang Yashu ko kidnap kar leta hai. Badle me wo kuch demands karta hai. Or papers Raj ko dene aane ke lie kahta hai. Bantu Raj se pehle wahan pohoch kar Yashu ko bacha leta hai. Aditya Randeep ko bata deta hai ki Bantu uska beta hai. Ab wo log Valmiki ko uski ki hui galti ke lie bolte hai. Aditya batata hai ki Nurse jab Bantu ko sab bata rahi thi tab usne sun liya tha. Bantu yeh sab Yashu ko batane se mana kar deta hai. Taki Yashu or Raj ka dil na toote. Aakhir me Bantu Valmiki ko bhi uski galtiyon ke lie maaf kar deta hai.
