Mickey or Dabas logo se paise le kar unka no tear breakup karwate hai. Dabas ke dadaji guzar jaate hai. Wahan par wo Mickey ko batata hai ki use Kinchi se shadi nahi karni or wo uska bhi breakup karwa de. Wo dono plan karte hai ki next week bachelor trip par wo iske lie sochenge.
Trip par Kinchi ki friend Tinni bhi aati hai. Mickey ko wo pasand aa jati hai or wo Dabas ko uska beakup karwane se mana kar deta hai. Ab Mickey Tinni ko impress karne ki koshish karta hai. Tinni finally Mickey ka proposal accept kar leti hai.
Ghar wapus aa kar Mickey Tinni ko apni family se milwane le kar jata hai. Unhe wo bada pasand aati hai. Kinchi or Dabas ki shaadi me Tinni ki family aati hai. Wo sab log aapas me milte hai or Mickey ki family unhe sab bata deti hai. Tinni ki family usse gussa ho jaati hai ki usne pehle se unhe kuch bata nahi rakha tha.
Mickey Tinni ko movie chalne ke lie kahta hai par use bina bataye apni family ko bhi le aata hai. Wo log dinner date ke lie bhi Mickey ke ghar jaate hai. Unhe aapas me apne lie time nahi mil raha hota.
Tinni kisi se reference le kar KD ko call karke apna breakup karwane ke lie kahti hai. Par wo nahi janti ki KD actually me Mickey hi hai. Wo uske breakup wale business ke baare me nahi jati thi.
Tinni KD ko batati hai ki unki families aaj Milne wali hai. KD use kundli milwane ke lie kahta hai. Unke 36 gunn milte hai. Yeh baat Tinni KD ko call karke batati hai. Tab Mickey samjh jata hai ki uski new client actually me Tinni hi hai. Mickey fir bhi confirm karne ke lie Tinni ko call karke us ladke ki details pochta hai. Ab use confirm ho jata hai ki wo Tinni hi hai. Tinni use reason nahi batati to Mickey decide karta hai ki jab tak wo khud use reason nahi batayegi tab tak wo breakup nahi karega. KD Tinni ko suggest karta hai ki wo Mickey ka Jelousy or Loyalty test le.
Finally Tinni use reason bata deti hai ki wo Mickey ki family ke saath nahi rehna chahti. KD use Bangalore (Bengaluru) job ka appointment letter Mickey ko dene ke lie kahta hai. Mickey ko letter milte hi un dono me jhagda hota hai or Mickey engagement Todd deta hai. Ghar pohoch kar Mickey ki family use bada daantti hai.
Kinchi pregnant hoti hai. Uski godbharayi ki rasam me Mickey or Tinni milte hai. Tinni Mickey ko batati hai ki wo 2 din baad London shift kar rahi hai. Function me Tinni dance karte hue gir jaati hai. Minni or Sweetu uske saath raat ko uske ghar ruk jaate hai. Sweetu se baat karke Tinni ko pata chal jaata hai ki Mickey hi KD hai.
Ab wo use apne ghar bulati hai or sab bata deti hai. Tinni fir se patch up ke lie kahti hai par is baar Mickey nahi manta. Tinni phone karke Mickey ki mummy se kahti hai ki Mickey sab kuch uske lie Kiya hai. Mickey ke ghar pohochte hi sab usse engagement todne ka asli reason poochte hai. Ab wo saare use rokne airport ke lie nikalte hai. Airport pohoch kar sab log use shadi ke lie manate hai. Last me sab ek happy family dikhte hai.
