Welcome back friends. Aaj Movies Teller le kar aaya hai Jack Ryan ke episode 4, The Wolf, ki story.
Ali Omer ki car le kar france se nikalne ki koshish me hota hai. Raste me use ek police officer speed tez hone ke bahane se rokta hai. Par asaliyat me wo use check kar raha hota hai. Officer ke wahan se nikalte hi Jack or baki ki France team uski car ka picha karne lag jaate hai.
Raste me Jack Sandrine ko Cathy Muller ke baare me batata hai. Sandrine use Cathy ko date par le jaane ki salaah deti hai. Uski baat maan kar Jack Cathy ko drinks par chalne ke lie message karta hai.
Agle scene me dikhaya jaata hai ki Suleiman kisi dusre giroh ke leader ko paise dekar kuch bandhiyon ko khareedta hai. Yeh bandhi wo 12 doctors hote hai jo ki pichle mahine syria se achanak gayab ho gaye the.
Suleiman un 12 doctors ke saath saath us giroh ke leader ko bhi apne saath bandhi bana kar le aata hai. use kaafi maarta hai or un sab logo ko ek kamre me band kar diya jaata hai.
Jack or Sandrine petrol pump par rukte hai. Greer or Cluzet aapas me behas karte hai ki unhone Ali ka picha theek se nahi kiya. Itne me unhe ali ki car bich road par dikhayi deti hai. Wo dono apni guns nikal kar car check karte hai to pata chalta hai ki usne gaadi badal di.
Cluzet yeh batane ke lie wireless se message karta hai par wo dono car me nahi hote.
Jack apne mobile signals ke lie try kar raha hota hai jab uski nazar petrol pump par khadi ek car par padti hai. Wo us car ko check hi kar raha hota hai or yeh karte hue Ali use dekh leta hai. Ali jack par fire karne ki koshish karta hai par itne me wahan Sandrine aa jati hai.
Cross firing me Sandrine ko goli lag jaati hai or mauka milte hi Ali wahan se bhaag jata hai. Jack badi durr tak ali ka picha karta hai. Un dono ke bich haathapayi hoti hai or jack use goli maar dęta hai. Wo wapus petrol pump par sandrine ko dekhne aata hai to pata chalta hai ki wo ab mar chuki hai.
Ab dosto yaad hai hamne second episode ki starting me Father Morel ka murder dekha tha. To ab Paris me unki last rites ho rahi hoti hai jisme Suleiman ke log church me kuch virus activate kar uska gate bahar se lock kar dete hai. Or isi ke saath episode 4 yehi par khatam ho jaata hai.
