Hey guys, to ab ham Jack Ryan ka episode 5 continue karte hai.
Police church me pohoch kar dekhti hai ki wahan par ab sab Marr chuke hai. Is hamle ki zimmewari Suleiman internet par ek video post karke khud par leta hai. Jack is sab ka responsible khud ko samjhta hai kyuki usne ali se kuch bhi pooch – taach kiye bina hi use goli maar di thi. Greer use kaafi samjhane ki koshish karta hai.
Suleiman ki wife apni betiyon ke saath Turkey ke ek refugee camp me pohochti hai. Camp me officer use uski destination poochte hai. Wo batati hai ki mujhe Europe jana hai. Par officer uska bio-data check karke use wapus syria jaane ke lie kahta hai. Hanin camp me chal rahe tv par Paris me hue hamle ki news dekhti hai or saath hi Suleiman ka video message bhi.
CIA headquarters me Paris par hue hamle or Suleiman ke previous records par meeting ho rahi thi. Achanak jack ko us video game ke baare me dhayan aata hai jisse ki Ali apne bhai se baat karta tha. Jack sabko idea deta hai ki usi game ke zariye wo log mousa se baat kar sakte hai kyuki use abhi tak nahi pata ki uska bhai Marr chuka hai.
Tv par Ali ke baare me news aati hai ki usne church par hamla kiya tha or use police dhoond rahi hai. News dekh kar mousa apne Aadmi ko call karke kuch kaam karne ke lie kahta hai. Wo mana karta hai par fir Suleiman ke kahne par maan jaata hai.
Mousa suleiman doctor nadler ko apne pass bulwata hai or unse poochta hai ki use or uski team ko kya chahiye. Doctor nadler batate hai ki un logo ko acha khana, paani or kuch dawaiyan chahiye. Suleiman unhe unki zaroorat ki sabhi cheeze dene ke lie maan jata hai or ek list banane ke lie kahta hai.
Doctor nadler ke wahan se jaate hi suleiman apna past yaad karne lagta hai. Year 2001, france me suleiman apni job se nikal kar apne bhai Ali se Milne aata hai. Ali use batata hai ki halim ne use ek gun di hai. Suleiman use kaafi gussa karta hai. Thodi der baad wo dono ek chair par baithe hote hai jahan par Ali cigarette pine lagta hai. Do police officers wahan pohochte hai or Ali ko smoke karta dekh use khade hone ko kahte hai. Ek officer Ali ki talaashi lene lagta hai. Ali ko bachane ke lie Suleman un officers se jhagda karne lagta hai or Ali ko wahan se bhaag jaane ke lie kahta hai.
Hanin refugee camp me us official ko batati hai ki use apne pati se khatra hai or use or uski betiyon ko visa diya jaye taaki wo turkey se bahar nikal jaye. wo agent use visa dene se mana kar deta hai. Par saath hi batata hai ki jo us government ko kuch information de sakta hai uske visa ke chances ho sakte hai. uski yeh baat sun kar hanin use batati hai ki mousa bin suleiman uska husband hai. Par isse zyada information dene se hanin Darr jati hai kyuki uska beta abhi bhi Suleiman ke saath hai. Or wo wahan se bhaag jaati hai.
Jack ko is baare me uski team member call par batati hai. Jack usse kahta hai ki hanin ko track kare or usse information nikalwane ki koshish kare. Hanin camp me kisi Sadik se mil kar use apna Sara gold dene ke badle Europe jaane ke lie kahti hai.
Ek conference room me jack, Greer, or baaki ki team mojud hoti hai. Jack usi video game ke zariye Ali ban kar suleiman se baat karne ki koshish karta hai. Par suleiman ko baato me pata chał jata hai ki wo ali nahi balki jack hai jo usse yemen me mila tha. Jack use bata deta hai ki uska bhai ab Marr chuka hai. Wo use hanin ke baare me bhi batata hai. Gusse me aa kar Suleiman chat band kar deta hai.
Episode ke end me Suleiman ka ek Aadmi, yazid, camp me Sadik se hanin ke baare me pooch taach karta hai. Hanin or uski betiyon ko ek truck me baithate hue dikhate hai. Greer or jack flight le kar hanin ko dhoondne aa rahe hote hai. Or isi ke saath episode 5 khatam ho jata hai.
